Paschatap Ke Aansoo !

Paschatap Ke Aansoo !

Pahele main nashe mein huwa karta tha aur raat guzar jati thi, Ek din raat nashe mein thi aur main guzar gaya !
Apni kismat hi kuch aisi bigdi ki zami se bhi fisal gaya !
Chaurahe ke bicho-bich bhid jami huyi thi, Kuch logo ko khushi aur kuch ke aankho mein nami bhi thi !
Ab anhoni ne bhi apni rang dikhai,

Ek patthar dilwali ke bhi dil mein thodi si rahem aayi !
Wo karah rahi thi, pukar rahi thi,
Apne aankho se nirmal jal baha rahi thi !
Ye paschatap ke aansoo the, ya fariyad ke aansoo the, Ye aur kisi ke nahi, mere dildar ke aansoo the !
Agar ye aansoo us samay bahe hote to roz hi rangoli hoti, Apni kismat mein sadak nahi ek sundar si doli hoti !
Apni kismat mein sadak nahi ek sundar si doli hoti !