Aap Ki Yaad Aati Rahi Raat Bhar

Aap Ki Yaad Aati Rahi Raat Bhar,
Chandani Dil Dukhati Rahi Raat Bhar,

Gaah Jalti Hui, Gaah Bujhti Hui,
Shaam-E-Ghum Jhilmilaati Rahi Raat Bhar,

Koi Khushbu Badalti Rahi Pairahan,
Koi Tasweer Gaati Rahi Raat Bhar,

Phir Saba Saaya-E-Shaakh-E Gul Ke Tale,
Koi Qissa Sunaati Rahi Raat Bhar,

Jo Na Aaya Use Koi Zanzeer-E-Darr,
Har Sadaa Par Bulati Rahi Raat Bhar,

Ek Ummeed Se Dil Behalta Raha,
Ek Tammanna Sataati Rahi Raat Bhar.