Apni marzi se

Apni marzi se

Apni marzi se kahaan apne safar ke ham hain
Rukh hawaaon ka jidhar ka hai udhar ke ham hain

Pehle har cheez thi apni magar ab lagta hai
Apne hi ghar mein kisi dusre ghar ke ham hain

Waqt ke saath hai mitti ka safar sadiyon tak
Kisko maaloom kahaan ke hain kidhar ke ham hain

Chalte rehte hain ke chalna hai musafir ka naseeb
Sochte rehte hain ke kis rehguzar ke ham hain.