Category: Hindi Ghazal

Posted on by — Leave a comment

Ek hasina se..

Ek hasina se..

Ek hasina se mujhe itna pyaar kyu hai ?
Inkar mein bhi chahat ikraar ki kyu hai ?
Ek hasina se mujhe itna pyaar kyu hai ?

Raaton ko mere khwabo mein chali aati hai.

Din mein bhi mujhe kyu itna satati hai ?
Shayad nahi rahe sakunga main uske bin.
Chaaro taraf bas wo hi nazar aati hai !
Dil ki har dhadkan pe, bas usi ka naam kyu hai ?

Ek hasina se mujhe itna pyaar kyu hai ?
Kis kadar main chaheta hoon, unko pata nahi hai.
Dil ki hi galti hai, unki koi khata nahi hai !
Ab jawoon kahan main uske bin.

Mujhe to manzil ka hi pata nahi hai !
Chaaro taraf andhekaar hi andhekaar kyu hai ?
Ek hasina se mujhe itna pyaar kyu hai ?
Rahein meri sunsaan ho gayi hai.

Zindagi lagta hai jaise viraan ho gayi hai !
Mere daman mein chand kante hi rahe gaye hai.
Ab to zindagi hi mujhse, anjaan ho gayi hai !
Mujhe sirf maut ka hi intezaar kyu hai ?

Ek hasina se mujhe itna pyaar kyu hai ?
Ek hasina se mujhe itna pyaar kyu hai ?

Posted on by — Leave a comment

Dosti To Hai Dost Ki Duaon Ka Khazana

Dosti To Hai Dost Ki Duaon Ka Khazana

Dosti Mein Na Roothna Hota Hai Na Manana,
Dosti Lafz Janta Bus Hasna Aur Hasana,

Dosti Mein Paraya Apna Tera Mera Nahi Hota,
Dosti To Hai Bus Ek Apnepan Ka Saaya,

Aazmayishon Se Shak Se Dosti Bahut Door,
Dosti To Hai Dost Ki Duaon Ka Khazana.

Posted on by — Leave a comment

Lab pai aati hai dua ban k tamanna meri,

Lab pai aati hai dua ban k tamanna meri,

Lab pai aati hai dua ban k tamanna meri,
zindagi bomb sai ho mehfoz khudaya meri!

Main jo daftar k liye ghar se nikal ker jaon,
Roz marrah ki tarha khair se wapas aaon!

Na koi bomb k dhamakay se uradaye mujh ko,
muft main jaam-e-shahadat na pila de mujh ko!

Jo urdaday mujhay khudkash to doain dunga,
bay wazu hokay chacha bush ko doain donga !

Biwi bachon ko meri jan ki qeemat mil jai,
bethay bethay meray ghar walon ko daulat mil jaye!

Hain jin logon se kal tak thee watan ki zenat,
aaj woh log hoay qabar-o-kafan ki zenat !

Ghar mera hogaya viranay ki soorut yarab,
Aur badli na kisi thanay ki soorat yaarab !

In pai jaiz hai zabardasti hukumat karna,
Aur hai jurm mujhey apne hifazat karna!

Rozi hum sub ki bacha roz ki hartalon sai
Jan aur maal ho mefoz police walon sai!

Jub na schol khulain gay to perhain gay kaisay,
Aur zinda na rahaingay to barhaingay kaisay !

Posted on by — Leave a comment

MAA

MAA

Zindagi ki tapti dhoop mai ek thanda saya paya hai mai ne,
Jab kholi aankh to apni maa ko muskorata howa paya hai mai ne..

Jab bhi maa ka naam liya,
Os ka beshomaar pyar paya hai mai ne..

Jab koi dard mehsoos howa, jab koi mushkil aayi,
Apne pehlo mai apni maa ko paya hai mai ne..

Jaagti rahi who raat bhar mere liye,
Jaane kitni raatein, osay jagaya hai mai ne..

Zindagi ke har moadh(mor) par, jab howi gumrah mai,
Iski hidaayat par, pakarli seedhi raah mai ne..

Jis ki dua se har moseebat loat jaye,
Aisa farishta paya hai mai ne..

Meri har fiker ko janne wali,
Mere jazbaaton ko pehcanne wali,
Aisi hasti payi hai mai ne..

Meri zindagi sirf meri maa hai,
Isi ke liye to,
Is zindagi ki shama jala rakkhi hai mai ne

Posted on by — Leave a comment

Is Qadar Door Jate Hain Wo,

Is Qadar Door Jate Hain Wo,

Is Qadar Door Jate Hain Wo,
Ki Bahut Yaad Aate Hain Wo,

Khauf Ki Ek Siyaah Raat Mein,
Jaise Deepak Bujhate Hain Wo,

Zindagi Ke Har Ek Mod Par,
Hausla Phir Badhate Hain Wo,

Zulf Hai Ya Hai Kaali Ghata,
Jaise Barkha Bulate Hain Wo,

Chant Gayi Chand Ki Roshni,
Rukh Se Parda Uthate Hain Wo,

“Raaz” Ki Baat Hai Doston,
Apna Mahram Batate Hain Wo.

Posted on by — Leave a comment

Waqt Se Waqt Ki Kya Shikayat Karein,

Waqt Se Waqt Ki Kya Shikayat Karein,

Waqt Se Waqt Ki Kya Shikayat Karein,
Waqt Hi Na Raha Waqt Ki Baat Hai.

Uss Ney Dekha Muje Ussney Chaha Muje,
Ussnay Thukra Diya Waqt Ki Baat Hai.

Koi Mushkil Parri Koi Kaam Aa Gaya,
Zehan Mein Usskay Jo Mera Naam Aa Gaya.

Baad Muddat Ke Woh Doston Ki Tarrah,
Hum Se Huss Ke Milla Waqt Ki Baat Hai.

Zindagi Hum Say Anjaan To Ho Gai,
Ek Rishtay Ki Pehchaan To Ho Gayi.

Koi Chahat Na Thi Bas Murrawatt Thi,
Woh Khud KO Samjha Liya Waqt Ki Baat Hai.

Apna Rang-e-Muhabbat Hai Sab Se Juda,
Koi Pochhay To Rashid Kahon Or Kya.

Jiss ko Payaa Nahi Ussko Kho Ker Bhi Main,
Kiyon Ussi Ka Raha Waqt Ki Baat Hai !!

Posted on by — Leave a comment

Meri Tasweer Main Rang Kisi Aur Ka To Nahi

Meri Tasweer Main Rang Kisi Aur Ka To Nahi

meri tasweer main rang kisi aur ka to nahi
ghaer-len mujh ko sab aankhein main tamasha to nahi

zindagi tujh se har ek saans main samjootha karoon
shauqh jeene ka hai mujh ko, magar itna to nahi

chehra dekhon to qad-o-qaal badal jaatey hain
chup ke aainey ke peechey, koi baitha to nahi

kis ki mitti ko nachatey hain hawaoon key bhawar
koi aawara wehshat hai, bagola to nahi.

rooh ko dard mila, dard ko aankhein na milien
tujh ko mehsoos kiya hai, tujh ko dekha to nahi

meri aankhon main tere naqsh-o-qadam kaise hain
is saraye main, musafir koi tehra to nahi

sochte sochte dil doobne lagta hai
zehen ki teh main muzaffar koi darya to nahi.

Posted on by — Leave a comment

Har muqaam pe

Har muqaam pe

Har muqaam pe lagta hai ke manzilein aur bhi hai….
Raasta abhi baaki hai bahut ke manzilein aur bhi hai…
Saahil se takarakar laut jaati hai har lehar,…
Saahil uske aur bhi hai ke manzilein aur bhi hai….
Dhal jaata hai suraj bhi har shaam….
Subahe abhi aur bhi hai ke manzilein aur bhi hai….
Jindagi mana humne dhadkano ki mohtaaz hai…
Saanse abhi aur bhi hai ke manzilein aur bhi hai…
Posted on by — Leave a comment

“Aise bhi mohabbat ki saza deti hai dunia”

“Aise bhi mohabbat ki saza deti hai dunia”

Aise bhi mohabbat ki saza deti hai dunia .
mar jaye tu jenay ki dua deti hai dunia.

hum kon say momen thay jo ilzam na sehtay .
pather ko bhagwan bana deti hai dunia .

ye zakham mohabbat ka hai dekhnana na kisi ko .
La kar saray bazar saja deti hai dunia .

Qismat per karo naz na itna bhi faqeero .
haton ki lakeeron ko mita deti hai dunia .

marnay kay liye majboor tu karti hai ye lekin.
Jeenay kay tareeqay bhi sekha deti hai dunia .

Posted on by — Leave a comment

Woh Kehti Suno Jana

Woh Kehti Suno Jana

Woh Kehti Suno Jana Mohabbat Moom Ka Gher Hai
Tapeyshee Badgumani Ki Kahein Pighla Na Dey Is Ko
Mein Kehta Houn Key Jis Dil Mein Zara Bhi Badgumani Ho
Wahan Kuch Aur Ho Too Ho Mohabbat Ho Nahi Sakti

Woh Kehti Hai Sada Aysey Hi Kiya Tum Mujh Ko Caho Gay
Key Mein Is Mein Kami Bilkul Gawara Ker Nahi Sakti
Mein Kehta Houn Mohabbat Kiya Hai Yeh Tum Ney Sikhaya Hai
Mujhey Tumsey Mohabbat Key Siwa Kuch Bhi Nahi Ata

Woh Kehti Hai Judaai Sey Bohot Derta Hai Mera Dil
Keh Khud Ko Tum Sey Hat Ker Dekhna Mumkin Nahi Hai Ab
Mein Kehta Houn Yehi Khadsey Bohot Mujh Ko Satatey Hain
Mager Sach Hai Mohabbat Mein Jodaai Saath Calti Hai

Woh Kehti Hai Batao Kiya Meray Bin Ji Sako Gay Tum
Meri Batein Meri Yadein Meri Ankhein Bhula Do Gey
Mein Kehyta Houn Kabhi Is Baat Per Socha Nahi Mein Ney
Ager Ik Pal Ko Bhi Sochoun Tu Sansein Rukney Lagtein Hain

Woh Kehti Hai Tumhein Mujhsey Mohabbat Is Qader Kyun Hai
Key Mein Ik Aam Si Lerki Tumhey Kyun Khas Lagti Houn
Mein Kehta Houn Kabhi Khud Ko Meri Ankhoun Sey Tum Dekho
Meri Dewangi Kyun Hai Yeh Khud Hi Jan Jao Gi

Woh Kehti Hai Mujhey Waaraf-Tagi Sey Dekhtey Kyun Ho
Key Mein Khud Ko Bohot Hi Kimti Mehsoos Kerti Houn
Mein Kehta Houn Matay Jaan Bohot Anmool Hoti Hai
Tumhey Jab Dekhta Houn Zindagi Mehsoos Kerta Houn

Woh Kehti Hai Mujhey Ilfaz Key Jugno Nahi Miltey
Tumhey Batla Sakoun Dil Mein Meray Kitni Mohabbat Hai
Mein Kehta Houn Mohabbat Tu Nigahoun Sey Chalakti Hai
Tukhari Khamoshi Mujhsey Tumhari Baat Kerti Hai

Woh Kehti Hai Batao Na Kissey Khoney Sey Dertey Ho
Bataona Kon Hai Woh Jis Ko Yeh Mosam Bulatey Hain
Mein Kehta Houn Yeh Meri Shairi Hai Ayna Dil Ka
Zara Dekho Bao Kiya Tumhein Is Mein Nazer Aya

Woh Kehti Hai Key Suniye Ji Bohot Batein Banatey Ho
Megar Sach Hai Key Batein Bohot Shaad Rakhtein Hain
Mein Kehta Houn Yeh Sab Batein Fasana Ik Bahana Hai
Key Pal Kuch Zindagani Key Tumharey Saath Kat Jay

Phir Us Key Baad Khamoshi Ka Dilkash Raks Hota Hai
Nigahein Bolein Hain Aur Lab Khamosh Rehtey Hain