Category: indian gazal

Wo Kuch Palon Ka Hi Saath Main Bhula Na Paya

Wo Kuch Palon Ka Hi Saath Main Bhula Na Paya,
Apne Man Ke Aaine Se Unka Chehra Mita Na Paya,

Maine Wada Kiya Tha Har Lamha Muskarane Ka,
Is Liye Unki Yaad Mein Aansoo Bhi Baha Na Paya,
Dil Dhakta Hai Mera Ab Bhi Unke Hi Naam Ke Saath,
Ab Tak Is Nadan Dil Ko Main Samjha Na Paya,

Maksad-E-Zindagi Meri Ban Gayi Hai Wo,
Wo Chale Gaye Magar Ye Baat Unhe Bata Na Paya,

Usi Mod Pe Tanha Khada Hai “Raaj” Intezaar Mein,
Is Mod Pe Kabhi Main Aarzu-E-Dil Dikha Na Paya.

Har Kisi Ko Iss Dil Mein Basa Bhi Nahi Sakte

Kisi Ko Janane Ke Liye Puri Jindagi Kam Hoti Hai,
Kisi Ko Apna Maanane Mein Pal Bhi Nahi Lagata Hai,

Har Kisi Ko Dil Mein Basa Bhi Nahi Sakte Hai,
Lekin Dil Mein Jagah To De Hi Sakte Hai,
Har Samay Nigaho Mein Kho Nahi Sakte Hai,
Lekin Un Nigahon Ko Dekh Ke Jindagi Chala Sakte Hai,

Pata Nahi Kabhi Milega Ki Nahi Magar Khayal Hai,
Jab Unse Mile To Unpe Khud Ko Mar Jana Pasand Hai.

Tere Diye Har Dard Ko Maine Seene Se Laga Rakha Hai

Tere Diye Har Dard Ko Maine Seene Se Laga Rakha Hai,
Bewafai Ke Har Aansoon Ko Palkon Mein Chupa Rakha Hai,
Tera Dard Bhi Kimati Hai Mere Liye Mere Mehboob,
Kyon Ki Kuch Logon Ne Pyar Ka Naam Khuda Rakha Hai.

Dil Mera Gham Se Malamal Hua

Hizra Ki Raat Ek Kamal Hua,
Dil Mera Gham Se Malamal Hua,

Mushkil Safar Bujhi Buhi Si Nazar,
Justju Mein Teri Ye Haal Hua,
Jane Kya Se Hai Ye Ishq Ka Jazba,
Aaj Tak Haal Na Ye Sawal Hua,

Hath Aayi Na Husn Ki Daulat Teri,
Muft Mein Dil Mera Halal Hua,

Lakh Sadme Uthaye Mere Dil Ne Magar,
Par Teri Berukhi Se Ye Nidhal Hua,

Chahat Mein Unke Khud Ko Bhul Gaye,
Ishq Mein Apna Bahut Bura Haal Hua.

Yun To Bohat Sare Logon Ne Diye Hai Mujhe Afsos

Yun To Bohat Sare Logon Ne Diye Hai Mujhe Afsos,
Par Hai Jo Qareeb-E-Qalb Unhone Bhi Diye Mujhe Afsos,

Main Bhi Gussa Kar Sakta Hoon Main Bhi Gila Kar Sakta Hoon,
Magar Main Nahi Chahta Ke Ho Tumhe Meri Tarha Afsos,
Mohabbat Ki Manzil Hogi Hasil Ek Roz Zaroor Mujhe,
Chahe Meri Olfat Ke Badle Mein Tum Hamesha Do Mujhe Afsos,

Khafa Nahi Hue Hai Hum Tum Se Na Kabhi Honge Tum Se Khafa,
Afsos Har Insan Ko Milta Hai Sirf Tumhe Ya Humein Nahi Mila Afsos,

Aap Is Duniya Ke Bare Mein Chodiye Dekhiye Aap Sab Nazar-E-Deen Se,
Qayamat Mein Har Makhluq Ko Apne Gunahon Pe Hoga Bohat Afsos,

Haqeeqat Baat Keh Raha Hoon Sun Lo Aye Ahel-E-Basher Farma Raha Hoon,
Rab-E-Qayenaat Ki Har Ek Makhluq Pe Chaya Hua Hai Saya-E-Afsos,

Jab Insan Matti Mein Mil Jaye Aye Rafiq Sab Ko Chod Kar Chala Jaye,
Uske Baad Ja Kar Uski Qadar Hoti Hai Aur Hota Hai Use Khone Ka Afsos,

Mazeed Kya Farmaye Aap Sab Logo Se Afsos Ke Baare Mein,
Bas Itna Farmate Hai Hum Ke Ye Bhi Zindagi Ka Ik Hissa Hai Afsos.

Maine Usko Wafa Se Sincha Hai…

Ek Nayi Aarzoo Ke Dhaagon Se,
Gham Ka Ek-Ek Jakhm Silta Hai,

Dil Ki Purnam Jameen Par Yaaron,
Ek Din Ek Gulab Khilta Hai,
Jisne Halchal Machayi Hai Mujh Mein,
Wo Haseen Aarzoo Ka Poudha Hai,

Rang Ho Khoon Ka Usi Ki Khatir,
Maine Usko Wafa Se Sincha Hai,

Usne Payi Gulab Ki Surat,
Ab Guman Ko Yakin Mila Hai,

Aarzu-E-Wajood Mein Aayi,
Ye Sachi Chahat Ka Sila Hai.