Kabhi khamosh baithogi

Kabhi khamosh baithogi

Kabhi khamosh baithogi kabhi kuch gungunaogi
Main utna yaad aaunga mujhe jitna bhulaogi

Koi jab puch baithega khamoshi ka sabab tumse
Bahut samjhana chahogi magar samjha na paogi.

Kabhi duniya mukkammal banake aayengi nigaho mein
Kabhi meri kami duniya ki har ek shey mein paaogi

Kahin par bhi rahe hum tum mohabbat fir mohabbat hai
Tumhe hum yaad aayenge humein tum yaad aaogi.